«Talapker» кәсіпорын басшысы лауазымына кандидаттарды іріктеу сервисі (бұдан әрі – Сервис) Қазақстан Республикасы Ұлттық экономика министрінің 2015 жылғы 2 ақпандағы № 70 бұйрығына және Қазақстан Республикасы Туризм және спорт министрінің 2025 жылғы 3 қыркүйектегі № 171 және Қазақстан Республикасы Еңбек және халықты әлеуметтік қорғау министрінің міндетін атқарушының 2025 жылғы 3 қыркүйектегі № 264 бірлескен бұйрығына сәйкес мемлекеттік кәсіпорынның, сондай-ақ дене шынықтыру және спорт саласындағы мемлекеттік мекеменің басшысы лауазымына орналасуға конкурс ұйымдастыру мен өткізуге арналған.
Қызметке қолжетімділік ұсынылады:
Конкурс ұйымдастырушыларына
Мемлекеттік кәсіпорындар мен мекемелерге, олардың тиісті саланың уәкілетті органдарына (жергілікті атқарушы органға не аудандық маңызы бар қала, ауыл, кент, ауылдық округ әкімінің аппаратына) заңды тұлғаның электрондық цифрлық қолтаңбасына енгізілген БСН бойынша автоматты түрде беріледі.
Конкурс қатысушыларына (жеке тұлғаларға)
Тіркелу және Қазақстанның Ұлттық куәландыру орталығы берген электрондық цифрлық қолтаңба арқылы e-Qazyna.kz мемлекеттік мүлік тізілімі веб-порталында Пайдаланушы келісіміне қол қою шартымен ұсынылады.
Қызметке қолжетімділікті қамтамасыз ету мемлекеттік мүлікті есепке алу саласындағы бірыңғай оператор ретінде айқындалған «Ақпараттық-есептік орталық» акционерлік қоғамы арқылы жүзеге асырылады және бұл Қазақстан Республикасы Үкіметінің 2011 жылғы 15 шілдедегі № 802 қаулысына сәйкес реттеледі.